Aey Shimr Mera Lal Kai Din Se Hai Piyasa.....Pani To Pila Dey.
Too Zibha Na Kar Dekh Nahi Payegi Zehra S.A.....Pani To Pila Dey.
Jo Quwat e Bazu Tha Alamdar a.s Nahi Hai.
Monis Koi Yawar Koi Gham Khwar Nahi Hai.
Is Dasht Main Ab Koi Madad Gar Nahi Hai.
Soraj Hai Sawa Nezy Pay Jalta Hai Ye Sehra.....Pani To Pila Dey.
Ab Koi Na Shabbir a.s Ke Lashkar Mai Bacha Hai.
Bimar Pisar Khaimey Mai Behosh Para Hai.
Din Sara To Lashon Ke Uthany Mai Kata Hai.
Is Dasht Mai Loti Gai Shabbir a.s Ki Duniya.....Pani To Pila Dey.
Atthara (18) Baras Ka Mahey Kamil Ali Akbar a.s.
Battees (32) Baras Ka Wo Jari Sher e Dilawar a.s.
Gehwarey Mai Baqi Nahi Chey (6) Maha Ka Asghar a.s.
Aek Din Mai Mere Lal Ney Kya Kya Nahi Khoya....Pani To Pila Dey.
Aey Shimr Mere Lal Ney Kya Jurm Kia Hai.
Kion Tegh Ko Khenchey Hoye Seeney Pey Charha Hai.
Khud Dekh Ley Sar Sajjda e Khaliq Mai Jhuka Hai.
Mai Ney Bari Mehnat Se Hai Shabbir a.s Ko Pala.....Pani To Pila Dey.
Zakhami Ho Agar Koi To Piyas Or Hai Lagti.
Sokha Ho Agar Halq Churi Bhi Nahi Chalti.
Ye Kund Churi Jab Mere Bachy Pay Cahleygi.
Tarpey Ga Bohat Khak Pay Ahmed s.a.w.w Ka Nawasa. Pani To Pila Dey.
Bachpan Hi Se Shabbir a.s Ko Lagti Hai Bohat Piyas.
Aek Koza Hamesha Se Hi Rakh Deti Thi Mai Pass.
Is Darja Aya'n Chehry Se Hai Piyas Ka Aehsas.
Darti Hon Na Mar Jaye Atash Se Mera Bacha....Pani To Pila Dey.
Aey Nehr Hade'n Tor Dey Apni Tohi Barh Kar.
Chalney Ko Hai Piyasy Mere Mazloom Pey Khanjar.
Ho Jayega Koch Der Mai Bacha Mera Be Sar.
Do (2) Ghont Se Koch Kam Nahi Ho Jayega Dariya.....Pani To Pila Dey.
Anwar Wo Qayamat Ki Gahri Aa Gai Ran Mai.
Soraj Bhi Chupany Laga Moo Apna Gahan Mai.
Ik Bond Na Pani Ki Gai Sheh Ke Dahan Mai.
Sar Kat Gaya Kehti Rahi Ro Ro Ke Ye Zehra s.a.....Pani To Pila Dey.
0 Comments